Ion Chibzii/Wikimedia Commons, CC BY-SA 2.0
Nasjonal fornedring og ideologiske pestar
Ein bit av drakampen om Europa si framtid går føre seg i eit av dei mest oversette og fattigaste landa på kontinentet.
Denne våren finn eit jubileum stad aust i Europa: Våren 1918 erklærte det såkalla Landsrådet i Bessarabia at landområdet gjekk inn i union med Romania.
Området har ikkje noko med Arabia å gjera, og namnet har moglegvis bakgrunn i Basarab-dynastiet. Lenge var det under ottomansk overherredøme, men etter den russisk-tyrkiske krigen fyrst på attenhundretalet hadde dette landområdet vorte ein del av tsarens Russland. Etter den russiske revolusjonen hadde Bessarabia erklært seg som sjølvstendig republikk. Det var ein kortvarig republikk, for no vart landet altså ein del av det rumenske kongedømet.
Ein kan diskutera på kor fritt grunnlag den avgjersla vart teken. Då Landsrådet røysta over saka stod rumenske styrker allereie i den bessarabiske hovudstaden Chișinău. Samstundes var ikkje unionen heilt unaturleg. Bessarabia var rett nok prega av ei rekkje ulike folkegrupper, men fleirtalet var rumenskspråklege.
Full pakke: digitalt årsabonnement + tidsskrift til kr 1499,-
Bestill her
Bli støtteabonnent: Få digital tilgang og tidsskrift, og støtt Minerva med kr 3000,-
Bestill her
